بن 10 أهو ولد صغير كله مطقوق بالمدرسه ومهضوم حقه
في عطلة الصيف كان طالع مع جده وبنت عمه يخيمون في الغابه
قاااعد بأمانة الله يشوي المارشملو على نار المخيم
فجأه!! شاف شي يطيح من السما .. ركض لي المكان اللي طاح فيه الشهاب
وشاف حفره كبيره .. وبالنص أكو شي غريب
قرب منه .. يبي يشوف شنو هذا .. ولانه اللقافه شينه
قام و لزق هذا الجسم الغريب في ايده
الشي الغريب اللي كان نازل من الفضاء اهو عباره عن ساعه
اسمها Omnitrix
حاول يشيلها ما تنشال .. لاااازقه بايده
هالساعه العجيبه فيها دي أن اي 10 أنواع من الايلينز
يفر الساعه .. يختار الايلين اللي يبي ويضغط عليها
فيتحول الى ايلين قوي ويكسر الدنيا .. وينقذ الناس ويحارب الشر
عقب ما كان ضعيف .. صار أقوى واحد
والقهر انه يده موصيه انه ما يعلم أحد عالسر
********
أول شي كانو التيلي تابيز
وبعدين بارني
وبعدييين توم أند جيري
والحين بن تن !